| 1 | |
HStAOrient5a: 31v fī sene 871 cülūs ber‑taḥt‑i şāhī fī sene 918. Müddet‑i salṭanet sene 8 // şehr 9. Qırq altı yaşında pādişāh oldı. Edirneye müteveccih olub // Çorlı qurbında zücāc‑i mizācları münkesir olub ākile marażından // vefāt ėtdi. Hicretüñ ṭoquz yüz yigirmi beşinde Şāh İsmāʿīl // ile Çāldırān Ovasında mülāqāt ėdüb ḥarb u qıtāle // iştiġāl olınduqda İsmāʿīl maġlūb olub gürīzān // oldı. Hicretüñ ṭoquz yüz yigirmi ikisinde Monlā Zeyrek // ile Qaraca Aḥmed [Paşa] Qānṣū Ġūrī yaʿnī Mıṣr sulṭānına elçilige gönderüb Ḥaleb qurbında ceng olub Qānṣū Ġūrī Merc // Dābiq nām mevżıʿda cengde dār‑i fenāya āheng ėtdi. // Baʿdehū ṭoquz yüz yigirmi üç Muḥarreminüñ [yigirmi] üçinde Qāhire‑i // Mıṣr fetḥ olınub Sulṭān‑i Mıṣr Ṭūmān‑bāy Bābü l‑Zuveylede ṣalb // olındı. Ḫayr Beg muqaddem iṭāʿat ėtmegin Mıṣr ḥākimi oldı. // İstanbula nüzūl buyurdılar fī sene 924. Zeyrek‑zāde ile Kemāl // Paşa‑zāde Mıṣra varılduqda qāżī‑ʿaskerleri idi // Vüzerāsından Pīrī Paşa Qaramānī ve Hersek‑oġlı Aḥmed // Paşa ve Sinān Paşa ve ġayruhum. Ḥażret‑i Süleymān Ḫān ibn // Selīm Ḫān Ġāzī Vilādet‑i bā‑seʿādetleri fī sene 900. taḥt‑i hümāyūna cülūsları // fī sene 926. Ṭarīq‑i maʿdelete sülūk ėdüb [ve] cādde‑i inṣāfı meslūk |